豆角燜麵（自家製手擀麵）

我諗我可能係禁足太耐所以癲左⋯⋯居然自己走去整麵！！真係諗都冇諗過⋯⋯

話說昨日用之前買來的上海麵整豆角燜麵俾阿女食，佢食完之後話今日encore，但冇曬麵了啵，多功能媽咪又要上線，自己試下整手擀麵啦⋯⋯點知又真係俾我整到啵，口感仲非常之煙韌，拉下佢做拉麵我諗都可以。食一半剩一半放急凍，又有存糧。可憐阿媽隻手，碌麵碌到好攰⋯⋯可能還會有下次😔

食譜： 中筋/高筋麵粉300克，水140-160克（因應自家麵粉的吸水性調整），鹽2克

麵的做法：

麵粉加入水（預留一點水），用筷子攪拌成如末圖的棉絮狀，如仍見有乾粉的話逐漸再加水至不見乾粉。之後用手揉面，揉成粗糙的麵糰，靜置五分鐘再揉幾下，如此重複直至麵糰揉至表面光滑。（這個是比較省力的辦法，也可一次揉至光滑）揉光後再次靜置20分鐘，然後操作台抹上乾粉，取出麵糰繼續揉至稍硬狀態，擀成大片裝（此處會比較累），撒上手粉（可以是麵粉也可以是粟粉），將麵片輕輕折疊幾下，用刀切成條即可。吃不完的可以冷凍保存。

豆角燜麵做法： 蒜蓉起鑊，爆香燒肉，隨後加水燜煮三四分鐘，然後加入醬油、蠔油等調味料，再加入玉豆，兩分鐘後加入生麵條加蓋繼續燜煮至麵條熟透即可。

#悠樂煮廚

#DeliHolic #手擀麵 #中式麵點 #停課不停學 #廚藝雞精班 #與麵粉決一高下 #自家製