齋腸粉 & 蔥花蝦米腸


BB食飽奶瞓左,家姐就做功課,我唔想養成佢陪讀的習慣,所以我係唔會坐係旁邊嘅!但又未到時間煮飯,無所事事之際突然叮咁一聲,於是為娘走左入廚房整腸粉⋯⋯


自家製蝦米腸,可以瘋狂落蔥花和蝦米碎,佢地兩父女唔食,食齋腸,我留翻自私食🤣


對於只有一個蒸盤的我黎講,材料成本好低,但時間成本好高⋯⋯16條腸粉整左個幾鐘⋯⋯唔化算啊,唔係好想有第二次了。


食譜:

粘米粉50克,澄麵10克,木薯粉5克,水250克(喜歡韌度大一點,顏色更透明的可以加大木薯粉和澄麵,減少粘米粉的份量,自行調配可以造出更符合自己的口感)


以上粉類與水拌勻,蒸盤\大碟掃一層油,勺一勺粉漿(做蔥花蝦米腸的再灑上配料),滾水落鑊蒸2-3分鐘左右即可,出鍋後慢慢捲起成形。


#悠樂煮廚 #腸粉 #蝦米腸 #港式腸粉 #中式麵點 #停課不停學 #廚藝雞精班 #與麵粉一決高下

217 次瀏覽0 則留言

最新文章

查看全部